„Сезона 2020/21“

Оваа сезона Беласица пак се враќаво Првата македонска лига. Тимот во првите кола го предводи Ване Милков, а потоа на чело застанува Шефки Арифовски. Во летниот преоден рок, Беласица ја засилуваат: А. Каланоски од Победа од Прилеп, Р. Да Силва од Македонија Ѓорче Петров, М. Бајрами од Марибор, Ф. Михаилов од Академија Пандев... Голем хендикеп за тимот е заминувањето во Вардар на Мартин Мирчевски, најдобриот играч од претходната сезона. Тимот ја стартува сезоната очајно со 7 порази, а првата победа ја забележува во 11 коло против Академија Пандев. Есенскиот дел Беласица го завршува на последно место со 2 победи, 3 нерешени резултати и 13 порази, со само 9 бода и гол-разлика 12:41. Најчест стартен состав во есенскиот дел е: Д. Силјановски (Д. Ѓоргиев),З. Ивановски, А. Милушев, С. Сулев (А. Коцев), З. Митевски, Д. Калпачки (И. Паноски), Р. Да Силва, Д. Размоски, А. Каланоски, Ј. Серафимовски, М. Бајрами (Ф. Михаилов). Во пролетниот дел за тренер првин е назначен Ѓоре Јовановски, а потоа доаѓа рускиот стручњак, Чернишев. Ќе има големи промени во составот, доаѓаат: Вулиќ, Сево, Мијатовиќ, Андерсон, Демир, Гуџуфи... Од тимот си заминуваат: Ј. Серафимовски во Силекс, Д. Размоски во Пелистер, а Р. Да Силва се враќаво Македонија Ѓорче Петров. Беласица тргнува добро со гостинска победа над Ренова, со хет-трикот на А. Каланоски. Во следните 14 кола, Беласица игра многу слабо и забележува 11 порази, 2 нерешени резултати и 1 победа. Беласица на крајот, по 33 кола,завршувана последното 12 место, со 4 победи, 5 нерешени резултати и 24 порази, со гол-разлика 23:68. Најдобар стрелец на тимот е А. Каланоски со 8 гола, пред С. Сулев, З. Митевски и Б. Демир со по 2 гола. Најмногу натпревари за Беласица оваа сезона одигруваат: капитенот А. Милушев 30, Д. Калпачки 29, С. Сулев 28 и З. Ивановски 27 натпревари.