„Сезона 2006/07“

По испаѓањето од Првата македонска лига, Беласица ја напуштаатголем број играчи: Д. Савиќ, М. Ташев, А. Крстев, К.Чачев, В. Николов, С. Димов,О. Попчановски... Беласица се засилувасо Ѓ. Лиманов и З. Начевски и им се давашанса на младите фудбалери од својата школа. Лиманов со 9 гола енајдобар играч и стрелец, а најдобар натпревар ќе му биде против Вардар од Неготино,кога постигнува 4 гола. М. Алаѓозовски постигнува постигна 3 гола, а Станковски 2 гола. Прв голман на тимот е К. Захов, идниот репрезентативец на Македонија. Во есенскиот дел, Беласица на 18 натпревари забележува 6 победи, 4 нерешени резултати и 8 порази, со гол-разлика 22:26, освојувајќи 22 бода и завршувајќи на 8 место, пред Турново со 18 бода. Во зимскиот преоден рок, во тимот се враќаат: А. Стојанов и А. Крстев, а прв голман на тимот станува Р. Митев. На крајот, Беласица завршува на 9-тото место, избегнувајќи го најлошото, забележувајќи 4 победи во последните 4 кола. Првин со хет-трикот на М. Алаѓозовски е победен Илинден во Велмеј. Потоа, Беласица со двата гола на Г. Пројков го совладува Маџари. М. Алаѓозовски го постигнува голот за победа во Автокомонда против Металург, а во последното коло со голот на Г. Пројков е совладана екипата на Скопје. Беласица освојува 40 бода, притоа забележувајќи 11 победи, 7 нерешени резултати и 15 порази, со гол-разлика 36:59. Прв стрелец на тимот е Лиманов со 11 гола, пред М. Алаѓозовски со 7 гола, а овие двајца ќе имаат и најголем број одиграни натпревари. Ова е последна цела сезона кога Ванчо Таковски ќе е претседател на клубот.